Europe - Otta Nottathil

Advertisements

കടലിലെ ജീവവായുവിന്റെ അളവ് കുറയുന്നു

Photo #2 - Europe - Otta Nottathil - 81220195sea

മാഡ്രിഡ്: കടലിലെ ഓക്സിജന്റെ അളവ് ക്രമാതീതമായി കുറയുകയാണെന്ന് പഠന റിപ്പോര്‍ട്ട്. കാലാവസ്ഥാ വ്യതിയാനംകാരണം ഉയരുന്ന ചൂടും ധാതുമലിനീകരണവുമാണ് ഇതിനു പ്രധാന കാരണങ്ങളായി ചൂണ്ടിക്കാണിക്കപ്പെടുന്നത്. ഇന്റര്‍നാഷണല്‍ യൂണിയന്‍ ഫോര്‍ കണ്‍സര്‍വേഷന്‍ ഓഫ് നേച്ചര്‍ (ഐ.യു.സി.എന്‍.) ആണ് ഇതു സംബന്ധിച്ച പഠനം പൂര്‍ത്തിയാക്കി റിപ്പോര്‍ട്ട് പുറത്തുവിട്ടത്.

1960~കളില്‍ 45 സമുദ്രഭാഗങ്ങള്‍ മാത്രമാണ് ഓക്സിജന്‍ ശോഷണം നേരിട്ടിരുന്നതെങ്കില്‍ ഇന്നിത് 700 ഭാഗങ്ങളിലേക്ക് വ്യാപിച്ചു. വ്യാവസായിക, കാര്‍ഷിക മേഖലകളില്‍ ഉത്പാദിപ്പിക്കപ്പെടുന്ന നൈട്രജനും ഫോസ്ഫറസും കലര്‍ന്ന് സമുദ്രജലത്തിലെ ഓക്സിജന്റെ അളവ് കുറയുന്നെന്നത് നേരത്തേ ചര്‍ച്ചചെയ്യപ്പെട്ടിരുന്നു. എന്നാല്‍, കാലാവസ്ഥാ വ്യതിയാനവും ഓക്സിജന്റെ അളവിനെ ഗുരുതരമായി ബാധിക്കുന്നുണ്ടെന്നത് പുതിയ കണ്ടെത്തലാണ്.

കാര്‍ബണ്‍ ഡയോക്സൈഡ് വര്‍ധിച്ച് ഹരിതഗൃഹ പ്രഭാവത്തിന്റെ ഫലമായുണ്ടാകുന്ന അധികചൂട് കടലിലാണ് ശേഖരിക്കപ്പെടുക. ഇങ്ങനെ ചൂടധികമുള്ള കടല്‍ജലത്തിന് ഓക്സിജന്‍ തന്മാത്രകളെ സൂക്ഷിക്കാനുള്ള കഴിവ് പതിയെ നഷ്ടപ്പെടും. 1960 മുതല്‍ 2010 വരെയുള്ള കാലയളവില്‍ കടലിലെ ഓക്സിജന്‍ വാതകത്തിന്റെ ലയിക്കുന്ന തോത് രണ്ടുശതമാനം കുറഞ്ഞു. ചില മേഖലകളില്‍ ഇത് 40 ശതമാനമാണ്.

കടലിലെ സസ്യജന്തു ജീവജാലങ്ങളെയാണ് ഈ മാറ്റം ഗുരുതരമായി ബാധിക്കുക. കൂടുതല്‍ ഓക്സിജന്‍ ആവശ്യമുള്ള സ്രാവ്, ട്യൂണ, മാര്‍ലിന്‍ എന്നീ മത്സ്യങ്ങള്‍ക്കാണ് കൂടുതല്‍ ഭീഷണി. ക്രമേണ കൂടുതല്‍ ഓക്സിജനുവേണ്ടി ആഴം കുറഞ്ഞ ഭാഗങ്ങളിലേക്ക് മത്സ്യങ്ങള്‍ നീങ്ങുകയും ഇത് ഇവയുടെ വന്‍തോതിലുള്ള നാശത്തിനിടയാക്കുകയും ചെയ്യും.

ജന്തുജാലങ്ങളുടെയും ആവാസവ്യവസ്ഥകളുടെയും ശോഷണം തടയാന്‍ അടിയന്തരമായ നടപടികള്‍ വേണമെന്നും റിപ്പോര്‍ട്ട് ആവശ്യപ്പെടുന്നു. ഹരിതഗൃഹ വാതകങ്ങളുടെ ബഹിര്‍ഗമനം പരമാവധി നിയന്ത്രിച്ചും കാര്‍ഷികമേഖലയില്‍നിന്നുള്ള മൂലകങ്ങള്‍ വഴിയുള്ള മലിനീകരണം കുറച്ചും മഹാവിപത്തില്‍നിന്നും സമുദ്രങ്ങളെ രക്ഷിക്കാമെന്നും റിപ്പോര്‍ട്ട് ചൂണ്ടിക്കാട്ടുന്നു.

- dated 08 Dec 2019

Comments:

Keywords: Europe - Otta Nottathil - 81220195sea Europe - Otta Nottathil - 81220195sea,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: