പ്രവര്‍ത്തനം അവസാനിപ്പിക്കുന്നതായി സ്ഥാപകന്‍ നേറ്റ് ആന്‍ഡേഴ്സണ്‍ തന്നെയാണ് അറിയിച്ചിരിക്കുന്നത്. എന്നാല്‍, ഇതിന്റെ കാരണം അദ്ദേഹം വ്യക്തമാക്കിയിട്ടില്ല. ''ഒരു കാരണവുമില്ല~ എന്തെങ്കിലും ഭീഷണിയോ ആരോഗ്യപ്രശ്നമോ വ്യക്തിപരമായ വലിയ വിഷയങ്ങളോ ഒന്നുമില്ല. ഹിന്‍ഡന്‍ബര്‍ഗിനെ എന്റെ ജീവിതത്തിലെ ഒരു അധ്യായമായാണ് കണക്കാക്കുന്നത്, അല്ലാതെ എന്നെ നിര്‍വചിക്കുന്ന മുഖ്യമായ സംഗതി ആയല്ല'', ആന്‍ഡേഴ്സണ്‍ പറയുന്നു.
2017~ലാണ് ഹിന്‍ഡന്‍ബര്‍ഗ് സ്ഥാപിതമാകുന്നത്. കോര്‍പറേറ്റ് തട്ടിപ്പുകളും കമ്പനികളുടെ ക്രമക്കേടുകളും വെളിപ്പെടുത്തിയ ഹിന്‍ഡന്‍ബര്‍ഗ് ചുരുങ്ങിയകാലം കൊണ്ടുതന്നെ വലിയ ശ്രദ്ധ നേടിയിരുന്നു. താന്‍ ചെയ്തുകൊണ്ടിരുന്ന ജോലി, വ്യക്തിപരമായി നഷ്ടങ്ങളുണ്ടാക്കിയിരുന്നെന്നും ഇനി മുതല്‍ കുടുംബവുമായി കൂടുതല്‍ സമയം ചെലവഴിക്കാനും ഹോബികളെ പിന്തുടരാനും യാത്രകള്‍ നടത്താനുമാണ് താല്‍പര്യപ്പെടുന്നതെന്നും ആന്‍ഡേഴ്സണ്‍ പറയുന്നു. ഉലയേണ്ടവ എന്ന് ഞങ്ങള്‍ക്ക് ബോധ്യമുണ്ടായിരുന്ന ചില സാമ്രാജ്യങ്ങളെ തങ്ങള്‍ ഉലച്ചുവെന്നും ഹിന്‍ഡന്‍ബര്‍ഗിന്റെ വെബ്സൈറ്റില്‍ പങ്കുവെച്ച കുറിപ്പില്‍ ആന്‍ഡേഴ്സണ്‍ കൂട്ടിച്ചേര്‍ത്തു.
Comments: