റഷ്യന്‍ അധിനിവേശത്തില്‍ യുൈ്രകന്‍ ജനത നേരിടുന്ന ദുരിതങ്ങളെപ്പറ്റിയായിരുന്നു ഇരുവരും സംസാരിച്ചത്. ഫ്രാന്‍സിസ് മാര്‍പാപ്പ സമാധാനത്തെക്കുറിച്ചും ""യുദ്ധത്തില്‍ പുഞ്ചിരി നഷ്ടപ്പെടുന്ന കുട്ടികളോടുള്ള അദ്ദേഹത്തിന്റെ കരുതലെക്കുറിച്ചും'' സംസാരിച്ചതായി വത്തിക്കാന്‍ പ്രസ് ഓഫീസ് ഡയറക്ടര്‍ മാറ്റിയോ ബ്രൂണി പറഞ്ഞു. സമാധാനത്തിലും സുരക്ഷയിലും നിലനിന്നു പോകാനുള്ള അവകാശം എല്ലാ രാജ്യങ്ങള്‍ക്കും ഉണ്ടന്ന് കൂടിക്കാഴ്ചയ്ക്കുശേഷം മാര്‍പാപ്പാ ട്വിറ്ററില്‍ കുറിച്ചു.
സെലെന്‍സ്കി 30 വാഹനങ്ങളുടെ അകമ്പടിയോടെ രാവിലെ 9:35 ന് വത്തിക്കാനിലെത്തി, അദ്ദേഹത്തിന്റെ സുരക്ഷ ഉറപ്പാക്കാന്‍ ഹെലികോപ്റ്റര്‍ റോമന്‍ ആകാശത്ത് റോന്തുചുറ്റിയിരുന്നു. 35 മിനിറ്റോളം നീണ്ട കൂടിക്കാഴ്യാണ് ഫ്രാന്‍സിസ് മാര്‍പാപ്പയുമായി അദ്ദേഹം നടത്തിയത്.
ഇത് നാലാംതവണയാണ് സെലന്‍സ്കി വത്തിക്കാനിലെത്തി മാര്‍പാപ്പയുമായി കൂടിക്കാഴ്ച നടത്തുന്നത്.
Comments: