ചരിത്രപരമായ വേദനകള്‍ക്ക് നേര്‍ക്ക് നേര്‍ നിന്നു കൊണ്ടും അതീവലോലമായ മനുഷ്യ ജീവിതത്തെ വെളിപ്പെടുത്തിക്കൊണ്ടുമുള്ള എഴുത്താണ് ഹാനിന്‍റേതെന്നും കമ്മിറ്റി പരാമര്‍ശിച്ചു. നൊബേല്‍ കമ്മിറ്റിയുടെ സ്ഥിരം സെക്രട്ടറി മാറ്റ്സ് മാം ആണ് പുരസ്കാരം പ്രഖ്യാപിച്ചത്. 53കാരിയായ ഹാന്‍ എഴുതിയ ദി വെജിറ്റേറിയന്‍ എന്ന പുസ്തകം 2016ലെ ബുക്കര്‍ പുരസ്കാരം സ്വന്തമാക്കിയിരുന്നു. ഒരു സ്ത്രീ മാംസാഹാരം ഒഴിവാക്കാനായി തീരുമാനിക്കുന്നതും അതിന്‍റെ തുടര്‍ച്ചയുമാണ് നോവലിന്‍റെ പ്രമേയം. ഹാനിന്‍റെ ഹ്യൂമന്‍ ആക്റ്റ് എന്ന നോവല്‍ 2018ലെ ബുക്കര്‍ പുരസ്കാര ഫൈനല്‍ പട്ടികയില്‍ ഇടം പിടിച്ചിരുന്നു.
സാഹിത്യ നൊബേല്‍ നിരന്തരമായി യൂറോപ്യന്‍, നോര്‍ത്ത് അമെരിക്കന്‍ പുരുഷ എഴുത്തുകാര്‍ക്കാണ് ലഭിക്കുന്നതെന്ന വിമര്‍ശനങ്ങള്‍ക്ക് അറുതി കുറിച്ചു കൊണ്ടാണ് ഇത്തവണത്തെ സാഹിത്യ പുരസ്കാരം പ്രഖ്യാപിച്ചിരിക്കുന്നത്.
ഇതു വരെ 119 സാഹിത്യ നൊബേലുകള്‍ പ്രഖ്യാപിച്ചതില്‍ 17 സ്ത്രീകള്‍ മാത്രമാണ് ഉള്‍പ്പെടുന്നത്. 2022ല്‍ സാഹിത്യ നൊബേല്‍ നേടിയ ആനി എര്‍ണോക്സ് ആണ് പട്ടികയിലെ അവസാനത്തെ സ്ത്രീ ആയിരുന്നത്. വെള്ളിയാഴ്ച സമാധാനത്തിനുള്ള നൊബേല്‍ പുരസ്കാരം പ്രഖ്യാപിക്കും.
Comments: