ബര്‍ലിന്‍: ജര്‍മ്മനിയിലെ റെയില്‍വേ സ്റേറഷനുകളെ കൂടുതല്‍ സുരക്ഷിതവും വൃത്തിയുള്ളതുമാക്കുന്നതിന്റെ ഭാഗമായി രാജ്യത്തെ മുഴുവന്‍ റെയില്‍വേ സ്റേറഷനുകളിലും മദ്യപാന നിരോധനം പ്രാബല്യത്തില്‍ വന്നു. വ്യാഴാഴ്ച പുലര്‍ച്ചെ അര്‍ദ്ധരാത്രിയോടെയാണ് പുതിയ ചട്ടം ഔദ്യോഗികമായി നടപ്പിലായത്. ഇതോടെ ജര്‍മ്മനിയിലുടനീളമുള്ള ഏകദേശം 5,700~ലധികം വരുന്ന ചെറുതും വലുതുമായ റെയില്‍വേ സ്റേറഷനുകളും അവയുടെ ട്രെയിന്‍ പ്ളാറ്റ്ഫോമുകളും പൂര്‍ണ്ണമായി മദ്യവിമുക്ത മേഖലകളായി മാറി.
ലക്ഷ്യം യാത്രക്കാരുടെയും ജീവനക്കാരുടെയും സുരക്ഷ: യാത്രക്കാര്‍ക്ക് ട്രെയിന്‍ കാത്തിരിപ്പ് കൂടുതല്‍ സുരക്ഷിതവും സുഖകരവുമാക്കുന്നതിനൊപ്പം റെയില്‍വേ ജീവനക്കാരുടെ തൊഴില്‍ സുരക്ഷ ഉറപ്പാക്കാനുമാണ് ഈ നടപടിയെന്ന് ജര്‍മ്മന്‍ റെയില്‍വേ ഓപ്പറേറ്ററായ ഡോയ്ചെ ബാന്‍ (ഉലൗേെരവല ആമവി) വ്യക്തമാക്കി. സ്റേറഷനുകളിലും പരിസരങ്ങളിലും മദ്യപര്‍ ഉണ്ടാക്കുന്ന അനിഷ്ട സംഭവങ്ങളും അക്രമങ്ങളും മുന്‍നിര്‍ത്തിയാണ് ഈ തീരുമാനം. ടിക്കറ്റ് പരിശോധനയ്ക്കിടെ മദ്യപിച്ച യാത്രക്കാരന്റെ മര്‍ദ്ദനമേറ്റ് ട്രെയിന്‍ വാതില്‍ തകര്‍ന്ന് താഴെ വീണ് 26~കാരനായ സുരക്ഷാ ജീവനക്കാരന് ഗുരുതരമായി പരിക്കേറ്റതും, ടിക്കറ്റില്ലാത്ത യാത്രക്കാരന്റെ ആക്രമണത്തില്‍ ട്രെയിന്‍ കണ്ടക്ടര്‍ കൊല്ലപ്പെട്ടതും ഉള്‍പ്പെടെയുള്ള സമീപകാല സംഭവങ്ങള്‍ വലിയ ചര്‍ച്ചകള്‍ക്ക് വഴിവെച്ചിരുന്നു.
റെസ്റേറാറന്റുകള്‍ക്കും ട്രെയിനുകള്‍ക്കും ഇളവ്: സ്റേറഷന്‍ പരിസരങ്ങളിലും പ്ളാറ്റ്ഫോമുകളിലും മദ്യപാനം നിരോധിച്ചെങ്കിലും ചില പ്രത്യേക ഇളവുകള്‍ അനുവദിച്ചിട്ടുണ്ട്:
സ്റേറഷനുകള്‍ക്കുള്ളില്‍ പ്രവര്‍ത്തിക്കുന്ന അംഗീകൃത പബ്ബുകള്‍, ബാറുകള്‍, റെസ്റേറാറന്റുകള്‍ തുടങ്ങിയ ആതിഥേയ സ്ഥാപനങ്ങളില്‍ മദ്യം വിളമ്പുന്നതിനും കഴിക്കുന്നതിനും തടസ്സമില്ല.
ട്രെയിനുകള്‍ക്കുള്ളിലെ മദ്യപാനത്തിന് ഈ നിരോധനം ബാധകമല്ല. ദീര്‍ഘദൂര ട്രെയിനുകളിലെ ബിസ്ട്രോകളില്‍ (ഛിയീമൃറ യശൃെേീെ) നിന്നും യാത്രക്കാര്‍ക്ക് പതിവുപോലെ പാനീയങ്ങള്‍ വാങ്ങിക്കഴിക്കാവുന്നതാണ്.
റെയില്‍വേയുടെ ആഭ്യന്തര ചട്ടം; ഫുട്ബോള്‍ ദിനങ്ങളിലും ഇളവില്ല: പുതിയ നിരോധനം ഒരു ക്രിമിനല്‍ നിയമമല്ല, മറിച്ച് റെയില്‍വേയുടെ ആഭ്യന്തര പെരുമാറ്റച്ചട്ടത്തിന്റെ (ഒമൗീെൃറിൗിഴ) ഭാഗമാണ്. അതിനാല്‍ പോലീസിനേക്കാള്‍ ഉപരി ഡോയ്ചെ ബാന്റെ സുരക്ഷാ വിഭാഗമായ "ഡി.ബി സിച്ചര്‍ഹൈറ്റ്' (ഉആ ടശരവലൃവലശേ) ഉദ്യോഗസ്ഥര്‍ക്കായിരിക്കും പരിശോധനയുടെയും നടപ്പിലാക്കലിന്റെയും പ്രാഥമിക ചുമതല. ബുണ്ടസ്ലിഗ ഫുട്ബോള്‍ മത്സര ദിവസങ്ങള്‍ പോലെയുള്ള വലിയ ആഘോഷങ്ങളുള്ള തിരക്കേറിയ ദിവസങ്ങളിലും ഒരുതരത്തിലുള്ള ഇളവുകളും അനുവദിക്കില്ലെന്ന് റെയില്‍വേ വക്താവ് വ്യക്തമാക്കി.
നേരത്തെ കൊളോണ്‍, മ്യൂണിക്ക്, ഹാംബര്‍ഗ്, ബെര്‍ലിന്‍ ഉള്‍പ്പെടെയുള്ള നാല്‍പ്പതോളം പ്രധാന സ്റേറഷനുകളില്‍ ഈ പദ്ധതി വിജയകരമായി പരീക്ഷണാടിസ്ഥാനത്തില്‍ നടപ്പിലാക്കിയിരുന്നു. ഇത് മാലിന്യങ്ങളും അനിഷ്ട സംഭവങ്ങളും കുറയ്ക്കാന്‍ സഹായിച്ചതായാണ് റെയില്‍വേയുടെ വിലയിരുത്തല്‍.
ഭവനരഹിതരുടെ സംഘടനകള്‍ക്ക് ആശങ്ക: അതേസമയം, റെയില്‍വേയുടെ പുതിയ തീരുമാനത്തിനെതിരെ തെരുവില്‍ കഴിയുന്ന ഭവനരഹിതര്‍ക്കായി പ്രവര്‍ത്തിക്കുന്ന ഫെഡറല്‍ കൂട്ടായ്മകള്‍ ആശങ്ക പ്രകടിപ്പിച്ചിട്ടുണ്ട്. കഠിനമായ കാലാവസ്ഥകളില്‍ തണുപ്പില്‍ നിന്നും രക്ഷനേടാന്‍ വീടില്ലാത്തവര്‍ക്ക് ആശ്രയമായിരുന്ന സ്റേറഷനുകളില്‍ നിന്ന് ഇവരെ പൂര്‍ണ്ണമായി ഒഴിവാക്കുന്നത് സാമൂഹിക പ്രവര്‍ത്തകര്‍ക്ക് ഇവരെ കണ്ടെത്തി സഹായമെത്തിക്കുന്നത് ദുഷ്കരമാക്കുമെന്ന് ഇവര്‍ ചൂണ്ടിക്കാണിക്കുന്നു.
Comments: