ബര്‍ലിന്‍ : ജര്‍മ്മനിയില്‍ 'ജെന്‍ സെഡ്' (Gen Z) കൂട്ടായ്മയുടെ ആഭിമുഖ്യത്തില്‍ നടന്ന ദേശീയ പ്രതിഷേധങ്ങള്‍ അക്രമാസക്തമായി മാറി. സമാധാനപരമായ റാലികളായി ആരംഭിച്ച പ്രകടനങ്ങള്‍ വൈകുന്നേരത്തോടെ തീവ്രവാദ ഗ്രൂപ്പുകളും മുഖംമൂടി ധരിച്ച അക്രമികളും ഹൈജാക്ക് ചെയ്യുകയായിരുന്നു. ജര്‍മ്മന്‍ നഗരങ്ങളെ വിറപ്പിച്ച ഈ സംഭവവികാസങ്ങളുടെ സമഗ്രമായ വിവരങ്ങളാണ് പുറത്തുവരുന്നത്. 1. ജര്‍മ്മനിയിലുടനീളം അരങ്ങേറിയ വ്യാപക അക്രമങ്ങളും ഫ്രാങ്ക്ഫര്‍ട്ടിലെ ഭീകരതയും
നഗരങ്ങളിലെ കടുത്ത അക്രമങ്ങള്‍: ബര്‍ലിന്‍, ഹാംബുര്‍ഗ്, കൊളോണ്‍, ഫ്രാങ്ക്ഫര്‍ട്ട് തുടങ്ങിയ നഗരങ്ങളില്‍ പ്രക്ഷോഭകര്‍ റോഡുകളില്‍ ബാരിക്കേഡുകള്‍ തീര്‍ത്ത് തീയിടുകയും പോലീസിന് നേരെ പടക്കങ്ങളും കല്ലുകളും എറിയുകയും ചെയ്തു. ഫ്രാങ്ക്ഫര്‍ട്ടില്‍ വ്യാപകമായ അക്രമങ്ങളാണ് അരങ്ങേറിയത്; നഗരത്തിലെ പ്രമുഖ ഷോപ്പിംഗ് തെരുവായ Zeilല്‍ കടകളുടെ ചില്ലുകള്‍ തകര്‍ത്ത് വ്യാപകമായ കൊള്ളയടികളും നടന്നു.
പോലീസുകാര്‍ക്ക് ഗുരുതര പരിക്കുകള്‍: ഫ്രാങ്ക്ഫര്‍ട്ടില്‍ മാത്രം നൂറിലധികം പോലീസ് ഉദ്യോഗസ്ഥര്‍ക്ക് പരിക്കേറ്റു. ഒരു പ്രക്ഷോഭകന്റെ കല്ലേറില്‍ മുഖത്ത് ഗുരുതരമായി പരിക്കേറ്റ പൊലീസുകാരന് നിരവധി പല്ലുകള്‍ നഷ്ടപ്പെട്ടതായി ഹെസ്സെ ആഭ്യന്തര മന്ത്രി റോമന്‍ പോസെക് സ്ഥിരീകരിച്ചു.
2. ഫെഡറല്‍ ആഭ്യന്തര മന്ത്രി അലക്സാണ്ടര്‍ ഡോബ്രിണ്ടിന്റെ പ്രതികരണം
അക്രമികളെ തിരിച്ചറിഞ്ഞു:
ഹാലോവീന്‍ രാത്രിയിലെ Krawall (കലാപം)~നു ശേഷം ബര്‍ലിനിലെ Hackescher Marktല്‍ നേരിട്ടെത്തി സ്ഥിതിഗതികള്‍ വിലയിരുത്തിയ ഫെഡറല്‍ ആഭ്യന്തര മന്ത്രി അലക്സാണ്ടര്‍ ഡോബ്രിന്റ്, സമാധാനപരമായ പ്രതിഷേധങ്ങളെ 'തീവ്ര ഇടതുപക്ഷ ഗ്രൂപ്പുകളും മൈഗ്രന്റ് പശ്ചാത്തലമുള്ള ചാവേറുകളും' ചേര്‍ന്ന് ഹൈജാക്ക് ചെയ്യുകയായിരുന്നു എന്ന് വ്യക്തമാക്കി.
ഹാര്‍ഡ് പണിഷ്മെന്റ് (കഠിനമായ ശിക്ഷ):
ഫ്രാന്‍സിലെപ്പോലെയുള്ള വലിയ തീവെയ്പ്പുകളും അക്രമങ്ങളും ജര്‍മ്മന്‍ പോലീസിന്റെ സജീകരണങ്ങള്‍ മൂലം തടയാനായെങ്കിലും, പിടിക്കപ്പെട്ട അക്രമികള്‍ക്കെതിരെ നിയമത്തിന്റെ ഏറ്റവും കൂടിയ അളവിലുള്ള കഠിനമായ ശിക്ഷാ നടപടികള്‍ ഉണ്ടാകുമെന്ന് അദ്ദേഹം മുന്നറിയിപ്പ് നല്‍കി. ഫ്രാങ്ക്ഫര്‍ട്ടില്‍ മാത്രം ഇതുവരെ 54 പേരെ അറസ്ററ് ചെയ്തിട്ടുണ്ട്.
3. രാഷ്ട്രീയ~പോലീസ് നേതൃത്വത്തിന്റെ നിലപാടുകള്‍
യൂണിയന്‍ മുന്നറിയിപ്പ്:
ജര്‍മ്മന്‍ ഫെഡറല്‍ പോലീസ് യൂണിയന്‍ (GdP) തലവന്‍ ആന്രേ്ദ റോസ്കോപ്പ്, കോടതികളില്‍ നിന്ന് അതിവേഗത്തിലുള്ളതും മാതൃകാപരവുമായ കടുത്ത ശിക്ഷാ വിധികളാണ് ഇത്തരം കുറ്റവാളികള്‍ക്ക് ലഭിക്കേണ്ടതെന്ന് ആവശ്യപ്പെട്ടു.
സമാധാനപരമായ പ്രതിഷേധാവകാശങ്ങള്‍ക്ക് ജര്‍മ്മന്‍ ഭരണഘടന അനുവാദം നല്‍കുന്നുണ്ടെങ്കിലും, അതിന്റെ മറവില്‍ അക്രമങ്ങളും കൊള്ളയും അഴിച്ചുവിടുന്നവരെ നിയമത്തിന്റെ മുന്നില്‍ കര്‍ശനമായി കൊണ്ടുപോകുമെന്നാണ് സര്‍ക്കാര്‍ നിലപാട്.
Comments: