ലണ്ടന്‍: യുണൈറ്റഡ് കിംഗ്ഡത്തില്‍ ജനിക്കുന്ന കുഞ്ഞുങ്ങളുടെ എണ്ണത്തില്‍ വിദേശികളായ പ്രവാസി മാതാപിതാക്കള്‍ വലിയ പങ്ക് വഹിക്കുന്നതായി ഔദ്യോഗിക റിപ്പോര്‍ട്ട്. യുകെയിലെ ഔദ്യോഗിക സ്ഥിതിവിവരക്കണക്ക് ഏജന്‍സിയായ ഓഫീസ് ഫോര്‍ നാഷണല്‍ സ്ററാറ്റിസ്ററിക്സ് (ONS) പുറത്തുവിട്ട ഏറ്റവും പുതിയ റിപ്പോര്‍ട്ടിലാണ് ജനിതക മാറ്റങ്ങളുടെയും കുടിയേറ്റത്തിന്റെയും പുതിയ വിവരങ്ങളുള്ളത്.

യുകെയില്‍ ജനിക്കുന്ന വിദേശികളായ മാതാപിതാക്കളുടെ കുഞ്ഞുങ്ങളുടെ എണ്ണത്തില്‍ ഇന്ത്യന്‍ വംശജരായ (Indian descent) മാതാപിതാക്കളാണ് തുടര്‍ച്ചയായ നാലാം വര്‍ഷവും ഒന്നാം സ്ഥാനത്ത് തുടരുന്നത്.

റിപ്പോര്‍ട്ടിലെ പ്രധാന വിവരങ്ങള്‍ ചുരുക്കത്തില്‍:

ഇന്ത്യക്കാര്‍ക്ക് വന്‍ മുന്നേറ്റം: യുകെയില്‍ നിലവില്‍ ജനിക്കുന്ന കുഞ്ഞുങ്ങളില്‍ യുകെക്ക് പുറത്ത് ജനിച്ച മാതാപിതാക്കളുടെ ലിസ്ററില്‍ ഇന്ത്യന്‍ വംശജരാണ് ഏറ്റവും മുന്നിലുള്ളത്. ഉന്നതവിദ്യാഭ്യാസത്തിനായും തൊഴിലിനായും ഇന്ത്യയില്‍ നിന്നും, പ്രത്യേകിച്ച് കേരളം ഉള്‍പ്പെടെയുള്ള സംസ്ഥാനങ്ങളില്‍ നിന്നും സമീപവര്‍ഷങ്ങളില്‍ യുകെയിലേക്ക് എത്തിയ പ്രവാസി ദമ്പതികളുടെ എണ്ണത്തിലുണ്ടായ വര്‍ദ്ധനവാണ് ഇതിന് പ്രധാന കാരണം.

വന്‍ പങ്ക് വഹിച്ച് വിദേശികള്‍: യുകെയിലെ മൊത്തം ജനനനിരക്കില്‍ വലിയൊരു ശതമാനം വിദേശ രാജ്യങ്ങളില്‍ ജനിച്ച മാതാപിതാക്കളില്‍ നിന്നുള്ളതാണെന്ന് ഛചട കണക്കുകള്‍ വ്യക്തമാക്കുന്നു. പാകിസ്ഥാന്‍, നൈജീരിയ, റൊമാനിയ എന്നീ രാജ്യങ്ങളില്‍ നിന്നുള്ള മാതാപിതാക്കളാണ് ഇന്ത്യക്ക് തൊട്ടുപിന്നാലെ മുന്‍നിരയിലുള്ളത്.

സ്വദേശി ജനനനിരക്കില്‍ കുറവ്: യുകെയില്‍ ജനിച്ച സ്വദേശികളായ മാതാപിതാക്കളുടെ ജനനനിരക്കില്‍ വലിയ കുറവ് രേഖപ്പെടുത്തുന്ന സമയത്താണ് പ്രവാസി മാതാപിതാക്കള്‍ രാജ്യത്തെ ജനസംഖ്യാ നിരക്ക് ഉയര്‍ത്തുന്നതില്‍ പ്രധാന പങ്ക് വഹിക്കുന്നത്.

പ്രവാസി മലയാളികള്‍ക്കും സ്വാധീനം:
യുകെയിലെ മലയാളി സമൂഹത്തിന്റെ വളര്‍ച്ചയും ഈ കണക്കുകളില്‍ പ്രതിഫലിക്കുന്നുണ്ട്. സമീപകാലത്ത് കെയറര്‍, നഴ്സിംഗ്, ഐടി മേഖലകളിലും ഒപ്പം സ്ററുഡന്റ് വിസയിലും യുകെയിലെത്തിയ യുവ മലയാളി ദമ്പതികള്‍ക്ക് കുഞ്ഞുങ്ങള്‍ ജനിക്കുന്നതോടെ യുകെയിലെ മലയാളി അസോസിയേഷനുകളിലും കമ്മ്യൂണിറ്റികളിലും വലിയൊരു സജീവതയാണ് ഉണ്ടായിരിക്കുന്നത്.

യുകെയിലെ മാറുംകാല ജനസംഖ്യാ ഘടനയെയും ഭാവിയിലെ സ്കൂള്‍/ വിദ്യാഭ്യാസ സൗകര്യങ്ങളെയും ഈ കണക്കുകള്‍ എങ്ങനെയെല്ലാം സ്വാധീനിക്കുമെന്നാണ് ഇപ്പോള്‍ സോഷ്യല്‍ പോളിസി വിദഗ്ദ്ധര്‍ നിരീക്ഷിക്കുന്നത്.