ബാഗേജ് പരിധി 30 കിലോയില്‍ നിന്ന് 20 കിലോയായി കുറച്ചത് യുഎഇയിലും മറ്റ് ഗള്‍ഫ് രാജ്യങ്ങളിലുമുള്ള പ്രവാസികള്‍ക്ക് തിരിച്ചടിയാണെന്ന് നിവേദനത്തില്‍ ചൂണ്ടിക്കാണിക്കുന്നു. കൈവശം കൊണ്ടുപോകുന്ന ലാപ്ടോപ്പിന് പോലും എയര്‍ഇന്ത്യ എക്സ്പ്രസ് ഇളവ് നല്‍കുന്നില്ല. എന്നാല്‍, മറ്റ് പല വിമാനകമ്പനികളും ലാപ്ടോപ്പിന് ഒഴിവ് നല്‍കുന്നുമുണ്ട്. ഇത്തരത്തില്‍ എയര്‍ഇന്ത്യ എക്സ്പ്രസ് കൊണ്ടുവന്ന പുതിയ നയം മാറ്റുന്നതിനായി വേണ്ട ഇടപെടലുകള്‍ കേന്ദ്രവ്യോമയാന മന്ത്രാലയം നടത്തണമെന്നാണ് നിവേദനത്തിലെ പ്രധാന ആവശ്യം.
സാധാരണക്കാരായ പ്രവാസികള്‍ കൂടുതലായി യാത്രചെയ്യുന്ന വിമാനക്കമ്പനിയായ എയര്‍ഇന്ത്യ എക്സ്പ്രസ് ഈ നയം തിരുത്തുമെന്നാണ് പ്രതീക്ഷിക്കുന്നതെന്ന് പ്രവാസി ലീഗല്‍ സെല്‍ അബുദാബി ചാപ്റ്റര്‍ പ്രസിഡന്‍റ് ജയ്പാല്‍ ചന്ദ്രസേനന്‍ പറഞ്ഞു.
Comments: