കോഴിക്കോട് കുറ്റ്യാടി സ്വദേശിയായ രവിശങ്കര്‍ 2022 ലാണ് ജര്‍മനിയില്‍ വിദ്യാര്‍ത്ഥിയായി എത്തിയത്.സംഭവത്തിന്റെ കൂടുതല്‍ വിവരങ്ങള്‍ പൊലീസ് പുറത്തു വിട്ടിട്ടില്ല. സംഭവത്തില്‍ ബര്‍ലിനിലെ ഇന്‍ഡ്യന്‍ എംബസി പരേതന്റെ കുടുംബവുമായി ബന്ധപ്പെട്ടിട്ടുണ്ട്.
കോഴിക്കോട് കുറ്റ്യാടി റിട്ട.ഡി.ഇ.ഒ കോവിലുമ്പാറ ചേലോട്ടില്ലത്ത് പി.സി.മോഹനന്റെയും കുറ്റ്യാഡി ഐഡിയല്‍ പബ്ളിക് സ്കൂള്‍ അദ്ധ്യാപിക ഒ.പി.ജയശ്രീയുടെയും മകനാണ് രവിശങ്കര്‍.
മാഗ്ഡെബുര്‍ഗ് ഓട്ടോ വോണ്‍ ഗ്യൂറിക്ക് യൂണിവേഴ്സിറ്റിയിലെ എംഎസ് അവസാന വര്‍ഷ വിദ്യാര്‍ത്ഥിയായ രവിശങ്കര്‍ കഴിഞ്ഞ ഞായറാഴ്ച രാത്രി വീട്ടില്‍ വിളിച്ച് ബര്‍ലിനിലേയ്ക്ക് പോകുകയാണെന്ന് അറിയിച്ചിരുന്നു.റെയില്‍വേ സ്റേറഷനില്‍ എത്തിയപ്പോഴും വിളിച്ചിരുന്നു എന്നു വീട്ടുകാര്‍ പറയുന്നു. പിന്നീട് വിളിച്ചിട്ട് കിട്ടാതെയായപ്പോള്‍ സഹപാഠികളായ ഇന്‍ഡ്യന്‍ വിദ്യാര്‍ത്ഥികളുമായി ബന്ധപ്പെട്ടുവെങ്കിലും കാണാനില്ലെന്ന വിവരമാണ് ലഭിച്ചത്. തുടര്‍ന്ന് ഒരു മലയാളി വിദ്യാര്‍ത്ഥിയുമായി ബന്ധപ്പെടുകയും പാലീസുമായി നടത്തിയ അന്വേഷണത്തിലാണ് മരണം സ്ഥിരീകരിച്ചത്.
പോസ്ററ്മോര്‍ട്ടം നടന്നെങ്കിലും സംഭവത്തിന്റെ കൂടുതല്‍ വിശദാംശങ്ങള്‍ വീട്ടുകാരെ അറിയിച്ചിട്ടില്ല എന്നാണ് അറിയുന്നത്. മൃതദേഹം നാട്ടിലെത്തിക്കാനുള്ള ശ്രമം നടന്നുവരുന്നു. മലയാളി വിദ്യാര്‍ത്ഥികളുമായി യാതൊരുബന്ധവും പുലര്‍ത്തിയിരുന്നില്ല എന്ന് അവിടുത്തെ മലയാളി വിദ്യാര്‍ത്ഥികള്‍ പറയുന്നു. യൂണിവേഴ്സിറ്റിയിലെ മലയാളി വിദ്യാര്‍ത്ഥികളുമായും സൗഹൃദമില്ലാതെ ഒറ്റപ്പെട്ട ജവിതമായിരുന്നു രവിശങ്കറിന്റേതെന്ന് അവിടെയുള്ളവര്‍ പറയുന്നു. മുന്‍ കേരളത്തിലെ ടെക്നോ പാര്‍ക്കില്‍ രവിശങ്കര്‍ ജോലി ചെയ്തിട്ടുണ്ടെന്നും പറയുന്നു. എന്താണ് സംഭവിച്ചതെന്ന് മാഗ്ഡെബുര്‍ഗില്‍ ഉള്ളവര്‍ക്കോ ബര്‍ലിനില്‍ ഉള്ളവര്‍ക്കോ അറിയില്ലന്നാണ് അറിയാന്‍ കഴിഞ്ഞത്. ഒരു സഹോദരിയുണ്ട് പരേതന്.
Comments: