ഗാസയില്‍ ആക്രമണം നടത്തുന്ന ഇസ്രയേലിനെ ബൈഡന്‍ ഭരണകൂടം പിന്തുണയ്ക്കുന്നതില്‍ പ്രതിഷേധിച്ചാണ് മുസ്ലിം നേതാക്കള്‍ പരിപാടി ബഹിഷ്കരിച്ചത്. ഗാസയിലെ ജനങ്ങള്‍ പട്ടിണി കിടക്കുമ്പോള്‍ ഇത്തരം ആഘോഷങ്ങള്‍ നടത്തുന്നത് അനൗചിത്യമാണെന്ന് ബൈഡന്റെ ക്ഷണം നിരസിച്ച നേതാക്കള്‍ പറഞ്ഞു.
'ഗാസയിലെ വെടിനിര്‍ത്തലെന്ന ആവശ്യം ഉന്നയിക്കുന്നതുവരെ ബൈഡനുമായോ അദ്ദേഹത്തിന്റെ പ്രതിനിധികളുമായോ കൂടിക്കാഴ്ചയ്ക്കില്ല എന്ന സന്ദേശമാണ് ഇതുവഴി ഞങ്ങള്‍ നല്‍കുന്നത്. ഗാസയിലെ ആക്രമണം അവസാനിപ്പിക്കാന്‍ കഴിയുന്ന ലോകത്തെ ഏകവ്യക്തി പ്രസിഡന്റ് ബൈഡനാണ് എന്ന് ഞങ്ങള്‍ വിശ്വസിക്കുന്നു. അദ്ദേഹം ഫോണെടുത്ത് നെതന്യാഹുവിനോട് 'ഇനി ആയുധങ്ങളില്ല, ഒന്നിത് നിര്‍ത്തൂ' എന്ന് പറഞ്ഞാല്‍ നെതന്യാഹുവിന് അത് ചെയ്യുകയല്ലാതെ മറ്റ് മാര്‍ഗങ്ങളുണ്ടാകില്ല.' ~നേതാക്കള്‍ ചൂണ്ടിക്കാട്ടി.
Comments: