ഗൂഗിള്‍, ടെസ്ല, വാള്‍മാര്‍ട്ട് തുടങ്ങിയ കമ്പനികള്‍ സമീപകാലത്ത് ആയിരക്കണക്കിന് വിദേശ തൊഴിലാളികളെയാണ് പിരിച്ചുവിട്ടത്. ഇങ്ങനെയുള്ളവര്‍ക്ക് 60 ദിവസത്തിനുള്ളില്‍ പുതിയ വീസയ്ക്ക് അപേക്ഷ നല്‍കിയാലുടന്‍ ഇനി പുതിയ ജോലി തേടാം.
നോണ്‍ ഇമിഗ്രന്റ് പദവി മാറ്റുന്നതിനുള്ള അപേക്ഷയും ഈ കാലയളവില്‍ നല്‍കണം. പദവിയില്‍ ഭേദഗതി വരുത്തുന്നതിനും അപേക്ഷിക്കാം. നിലവിലെ സാഹചര്യം വിശദീകരിച്ച് അപേക്ഷ നല്‍കിയാല്‍ ഒരു വര്‍ഷത്തെ എംപ്ളോയ്മെന്റ് ഓതറൈസേഷന്‍ ഡോക്യുമെന്റിനും (ഇഎഡി) അര്‍ഹത നേടും.
തൊഴിലുടമയെ മാറുന്നതിനും അപേക്ഷ നല്‍കാം. കുടിയേറ്റ വീസയ്ക്ക് അര്‍ഹതയുള്ള ജോലിക്കാര്‍ക്ക് അതിനുള്ള അപേക്ഷയും നല്‍കി പദവിയില്‍ മാറ്റം വരുത്താന്‍ ആവശ്യപ്പെടാം. അപേക്ഷകളില്‍ തീരുമാനമാകുംവരെ ഒരു വര്‍ഷം ഇഎഡിയില്‍ യുഎസില്‍ താമസിക്കാനും ജോലി ചെയ്യാനുമാകും.
Comments: