മഹാരാഷ്ട്രയില്‍ എന്‍സിപി നേതാവ് ബാബാ സിദ്ദിഖിന്‍റെ കൊലപാതകവുമായി ബന്ധപ്പെട്ടാണ് ബിഷ്ണോയ് ഗാങ് എന്ന പേര് ഇന്ത്യയിലും വീണ്ടും ചര്‍ച്ചയായിരിക്കുന്നത്.
ബോളിവുഡ് താരം സല്‍മാന്‍ ഖാന്‍, അധോലോക നായകന്‍ ദാവൂദ് ഇബ്രാഹിം എന്നിവരെ ശത്രുക്കളായി പ്രഖ്യാപിച്ചിരിക്കുന്ന സംഘം, ഇവര്‍ ഇരുവരെയും സഹായിക്കുന്ന ഒരാളെയും വെറുതേ വിടില്ലെന്നും പ്രസ്താവന ഇറക്കിയിരുന്നു.
സംഘത്തിന്‍റെ നേതാവായ ലോറന്‍സ് ബിഷ്ണോയ് ജയിലില്‍ കിടന്നാണ് ഇവരുടെ പ്രവര്‍ത്തനങ്ങള്‍ നിയന്ത്രിക്കുന്നതെന്നും, എഴുനൂറോളം ഷാര്‍പ്പ് ഷൂട്ടര്‍മാരാണ് കൊലപാതകസജ്ജരായി ഇവര്‍ക്കൊപ്പമുള്ളതെന്നും സൂചനകള്‍ പുറത്തുവന്നിരുന്നു.
ഈ സംഘത്തില്‍പ്പെട്ടവരെ ഉപയോഗിച്ചാണ് ഇന്ത്യന്‍ നയതന്ത്ര ഉദ്യോഗസ്ഥര്‍ ക്യാനഡയില്‍ നിന്ന് വിവരങ്ങള്‍ ശേഖരിക്കുന്നതെന്നാണ് റോയല്‍ കനേഡിയന്‍ മൗണ്ടഡ് പൊലീസിന്‍റെ ആരോപണം. ഇന്ത്യന്‍ സര്‍ക്കാര്‍ ഏജന്‍റുമാര്‍ ക്യാനഡയില്‍ ഗുരുതരമായ ക്രിമിനല്‍ പ്രവര്‍ത്തനങ്ങള്‍ നടത്തിവരുന്നതായും ഇവര്‍ പറയുന്നു.
Comments: