റഷ്യന്‍ സൈനികരുടെ സഹായികളായി 200 ഇന്ത്യക്കാരെ റിക്രൂട്ട്ചെയ്തിട്ടുണ്ടെന്നാണ് കണക്ക്. യുദ്ധമേഖലയില്‍ നാല് ഇന്ത്യക്കാര്‍ കൊല്ലപ്പെട്ടിരുന്നു. ഇതിനുശേഷം റഷ്യന്‍ സൈനികരോടൊപ്പമുള്ള ഇന്ത്യക്കാരെ വിട്ടയക്കണമെന്ന് ഇന്ത്യ ആവശ്യപ്പെട്ടിരുന്നു.
ഷാങ്ഹായ് സഹകരണ കൂട്ടായ്മയുടെ (എസ്.സി.ഒ) വാര്‍ഷിക ഉച്ചകോടിയില്‍ പങ്കെടുക്കാന്‍ കസാഖ്സ്താനിലെത്തിയിരിക്കുകയാണ് ജയ്ശങ്കര്‍. ഇതിനിടെ റഷ്യന്‍ വിദേശകാര്യ മന്ത്രിയുമായി നടത്തിയ കൂടിക്കാഴ്ചയിലാണ് ആവശ്യം ഉന്നയിച്ചത്.
പ്രധാനമന്ത്രി നരേന്ദ്ര മോദിയുടെ റഷ്യന്‍ സന്ദര്‍ശനത്തിന് ദിവസങ്ങള്‍ മാത്രമുള്ളപ്പോഴാണ് ഇരു രാജ്യങ്ങളുടെയും വിദേശകാര്യ മന്ത്രിമാര്‍ ചര്‍ച്ച നടത്തിയത്. സന്ദര്‍ശനവേളയില്‍ പ്രധാനമന്ത്രി റഷ്യന്‍ പ്രസിഡന്റ് വ്ലാദിമിര്‍ പുടിനുമായി കൂടിക്കാഴ്ച നടത്തും.
Comments: