Gulf - Otta Nottathil

Advertisements

യു.എ.ഇയില്‍ തൊഴില്‍ സുരക്ഷ ഉറപ്പാക്കും. ഇന്‍ഡ്യന്‍ അംബാസഡര്‍

ഗള്‍ഫ് ലേഖകന്‍

യു.എ.ഇയില്‍ തൊഴിലെടുക്കുന്ന ഇന്ത്യക്കാരുടെ തൊഴില്‍ സുരക്ഷിതത്വം അടക്കമുളള കാര്യങ്ങള്‍ ഉറപ്പാക്കുന്നതിന് ഇന്ത്യന്‍ എംബസി നാലിന പദ്ധതി നടപ്പാക്കുമെന്ന് യു.എ.ഇയിലെ ഇന്ത്യന്‍ അംബാസിഡര്‍ തല്‍മീസ് അഹമ്മദ് പറഞ്ഞു. ഇന്ത്യക്കാരുടെ തൊഴില്‍ സുരക്ഷ ഉറപ്പാക്കുന്നതിനും ജീവിത സാഹചര്യം മെച്ചപ്പെടുത്തുന്നതിനുമാണ് യു.എ.ഇ സര്‍ക്കാറുമായി കൂടിയാലോചിച്ച് പദ്ധതി നടപ്പാക്കുന്നത്. തൊഴിലാളികളുമായുളള ലേബര്‍ കരാറുകള്‍ സുതാര്യമാക്കുന്നതാണ് ഇതിലാദ്യത്തേത്. ഇതിനായി സര്‍ക്കാറുമായി ചര്‍ച്ചകള്‍ നടത്തിയിട്ടുണ്ട്. കരാറുകള്‍ സുതാര്യമാകുന്നതോടെ നിലവില്‍ ഇന്ത്യക്കാര്‍ അനുഭവിക്കുന്ന പ്രശ്നങ്ങള്‍ക്ക് ഏറെക്കുറെ പരിഹാരം കാണാന്‍ കഴിയും. ദിവസകൂലിക്ക് ജോലി ചെയ്യുന്നവര്‍ക്കും കരാര്‍ സുതാര്യമാകുന്നത് ഗുണകരമായിരിക്കും.

ജോലിയെടുക്കുന്നവര്‍ക്ക് മിനിമം വേജ് ഉറപ്പാക്കുന്നതിന് നടപടികള്‍ സ്വീകരിക്കുന്നതാണ് പദ്ധതിയില്‍ രണ്ടാമത്തേത്. ഇന്ത്യക്കാരായ തൊഴിലാളികളുടെ പ്രശ്നങ്ങള്‍ പരിഹരിക്കുന്നതിന് ഗ്രീവന്‍സ് സെല്‍ തുറന്നു പ്രവര്‍ത്തിക്കും. സെല്ലില്‍ നേരിട്ട് പരാതി നല്‍കാന്‍ സൗകര്യമൊരുക്കുമെന്നും തല്‍മീസ് അഹമ്മദ് പറഞ്ഞു. നാലാമതായി യു.എ.ഇയിലെ ഹൗസ് മെയ്ഡായി പ്രവര്‍ത്തിക്കുന്ന സ്ത്രീകള്‍ അനുഭവിക്കുന്ന പ്രശ്നങ്ങള്‍ക്ക് പരിഹാരം കാണും. ജോലിയില്‍ വിദഗ്ദരല്ലാത്തതും ഭാഷയറിയാത്തതുമാണ് സ്ത്രീകള്‍ക്ക് പ്രശ്നങ്ങള്‍ സൃഷ്ടിക്കുന്നത്. ഇതിന് കേന്ദ്ര സര്‍ക്കാര്‍ നടപ്പാക്കിയ നിയന്ത്രണങ്ങള്‍ കര്‍ശനമായി പാലിക്കുന്നതോടെ ഒരുപരിധി വരെ പരിഹാരമാകുമെന്നും തല്‍മീസ് അഹമ്മദ് പ്രത്യാശിച്ചു.

യു.എ.ഇയില്‍ തൊഴില്‍ കുറയുന്നുവെന്ന പ്രചാരണം ശരിയല്ല. വിദഗ്ദരായ തൊഴിലാളികളെ റിക്രൂട്ട്മെന്റ് ചെയ്യാത്തതാണ് പ്രശ്നങ്ങള്‍ക്ക് കാരണം. അനധികൃതമായി കുടിയേറിയ 70000 ത്തോളം ഇന്ത്യക്കാരെയാണ് തിരിച്ചയച്ചത്. ഇതില്‍ 60 ശതമാനത്തോളം പേരും ആന്ധ്രയില്‍ നിന്നുളളവരാണ്. കേരളത്തില്‍ നിന്നുളളവര്‍ 20 ശതമാനത്തോളമാണ്. അനധികൃത കുടിയേറ്റം നടത്തിയവര്‍ ഇനിയുമുണ്ടെങ്കില്‍ അവരെ സുരക്ഷിതമായി തിരിച്ചെത്തിക്കാന്‍ എംബസി തയ്യാറാണെന്നും തല്‍മീസ് അഹമ്മദ് പറഞ്ഞു.

- dated 23 Nov 2007

Comments:

Keywords: Gulf - Otta Nottathil - uae Gulf - Otta Nottathil - uae,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: