സയന്‍സിഫിസ് റിപ്പോര്‍ട്സിലെ സ്പ്രിങ്ര്‍ നേച്ചറിലാണ് പഠനം പ്രസിദ്ധീകരിച്ചിരിക്കുന്നത്. 47 മില്യണ്‍ വര്‍ഷങ്ങള്‍ക്കു മുമ്പ് ഭൂമുഖത്തുണ്ടായിരുന്ന പാമ്പിന് വാസുകി ഇന്‍ഡികസ് എന്നാണ് പേരിട്ടിരിക്കുന്നത്. ഹിന്ദു പുരാണത്തിലെ നാഗരാജാവാണ് വാസുകി.
നട്ടെല്ലിന്റെ ഭാഗങ്ങളില്‍ നടത്തിയ പഠനത്തില്‍ ഇത് വിഷമില്ലാത്ത ഇനമായിരുന്നു എന്നും കണ്ടെത്തിയിട്ടുണ്ട്. 11 മുതല്‍ 15 മീറ്റര്‍ വരെ നീളം കണക്കാക്കുന്നു. ഒരു ടണ്ണോളം ഭാരമുണ്ടായിരുന്നുവെന്നാണ് അനുമാനം. വാസുകിയെ കണ്ടെത്തുന്നതിന് മുമ്പ് 60 മില്യണ്‍ വര്‍ഷങ്ങള്‍ക്ക് മുമ്പ് കൊളംബിയയില്‍ ജീവിച്ചിരുന്ന ടിറ്റനോബ എന്ന പാമ്പാണ് ലോകത്തിലെ ഏറ്റവും വലിയ പാമ്പ് എന്നാണ് കരുതിയിരുന്നത്. നിലവില്‍ ലോകത്തില്‍ ഏറ്റവും വലിയ പാമ്പുള്ളത് ഏഷ്യയിലെ റെറ്റിക്യുലേറ്റഡ് ആണ്. 10 മീറ്റര്‍ ആണ് അതിന്റെ നീളം.
ഇരയെ ചുറ്റിപ്പിണഞ്ഞ് ഞെരിച്ച് ഭക്ഷിക്കുന്ന രീതിയായിരിക്കും വാസുകിയുടേത് എന്നും ഗവേഷകര്‍ വിലയിരുത്തി. ആഗോളതാപനം ഇന്നത്തേക്കാള്‍ ഉയര്‍ന്ന സമയത്ത് ഈ പാമ്പ് തീരത്തിനടുത്തുള്ള ചതുപ്പുനിലങ്ങളിലാണ് താമസിച്ചിരുന്നതെന്നു കരുതുന്നു. കണ്ടുപിടിത്തം ശാസ്ത്രജ്ഞര്‍ക്ക് പാമ്പുകളുടെ പരിണാമത്തെക്കുറിച്ച് കൂടുതല്‍ അടുത്തറിയാനും ഭൂഖണ്ഡങ്ങള്‍ കാലക്രമേണ എങ്ങനെ ഭൗതികമായി മാറുകയും ലോകമെമ്പാടും ജീവിവര്‍ഗങ്ങള്‍ ചിതറിക്കിടക്കുകയും ചെയ്യുന്നു എന്നതിനെക്കുറിച്ചുള്ള ആഴത്തിലുള്ള ധാരണയും നല്‍കാന്‍ സഹായിക്കുന്നു.
Comments: