Germany - Otta Nottathil

Advertisements

ജര്‍മനിയില്‍ പൊതുമേഖലാ സമരം: ലുഫ്താന്‍സ 800 വിമാനസര്‍വീസുകള്‍ റദ്ദാക്കി

ജോസ് കുമ്പിളുവേലില്‍

Photo #1 - Germany - Otta Nottathil - 10420181

ബര്‍ലിന്‍: പൊതുമേഖലാ ജീവനക്കാര്‍ നടത്തുന്ന പണിമുടക്ക് ജര്‍മനിയിലെ വിമാനത്താവളങ്ങളുടെ പ്രവര്‍ത്തനങ്ങളെയും ബാധിച്ചു. ചൊവ്വാഴ്ച എണ്ണൂറ് വിമാന സര്‍വീസുകള്‍ റദ്ദാക്കിയതായി ലുഫ്താന്‍സ അറിയിച്ചു.

ആകെ 1600 സര്‍വീസുകളാണ് ചൊവ്വാഴ്ചത്തേക്ക് ഷെഡ്യൂള്‍ ചെയ്തിരുന്നത്. ഇതില്‍ പകുതിയാണ് റദ്ദാക്കിയത്. 56 ദീര്‍ഘദൂര സര്‍വീസുകളും റദ്ദാക്കിയവയില്‍ ഉള്‍പ്പെടുന്നു. ഏകദേശം 90,000 യാത്രക്കാരെ ഇതു ബാധിച്ചെന്നാണ് കണക്കാക്കിയത്. ബുധനാഴ്ചയോടെ സര്‍വീസുകള്‍ സാധാരണഗതിയിലാകുമെന്നും അധികൃതര്‍. ചൊവ്വാഴ്ച രാവിലെ അഞ്ച് മുതല്‍ വൈകിട്ട് ആറു വരെയാണ് പണിമുടക്ക്.

പണിമുടക്ക് പല എയര്‍ലൈനുകളെയും ബാധിക്കുമെന്നും, പല സര്‍വീസുകളും വൈകുകയോ റദ്ദാക്കപ്പെടുകയോ ചെയ്യുമെന്നും ഫ്രാങ്ക്ഫര്‍ട്ട് എയര്‍പോര്‍ട്ട് വെബ്സൈറ്റില്‍ അറിയിച്ചിരുന്നു. യാത്ര പുറപ്പെടും മുന്‍പ് അതത് എയര്‍ലൈനുകളുമായി ബന്ധപ്പെടാനാണ് നിര്‍ദേശം നല്‍കിയിരുന്നത്.

റദ്ദാക്കപ്പെടാത്ത വിമാനങ്ങളിലെ യാത്രക്കാരും നേരത്തെ എയര്‍പോര്‍ട്ടിലെത്തണമെന്നും, കാത്തിരിപ്പ് സമയം കൂടുതലായിരിക്കുമെന്നും ലുഫ്താന്‍സ അറിയിച്ചിട്ടുണ്ട്.

ജര്‍മനിയിലെ വിവിധ പൊതുമേഖലകളില്‍ ജോലി ചെയ്യുന്ന 2.3 ദശലക്ഷം തൊഴിലാളികള്‍ക്ക് 6 ശതമാനം ശമ്പള വര്‍ധന ആവശ്യപ്പെട്ടാണ് തൊഴിലാളി യൂണിയന്‍ സംഘടനയായ "വെര്‍ഡി" നേതൃത്വത്തില്‍ ചൊവ്വാഴ്ച പണിമുടക്കിയത്. ഫ്രാങ്ക്ഫര്‍ട്ട്, മ്യൂണിക്ക്, കൊളോണ്‍, ബ്രെമ്മന്‍, ഹാംബുര്‍ഗ്, ബര്‍ലിന്‍ തുടങ്ങിയ എയര്‍പോര്‍ട്ടുകളിലെ ജീവനക്കാരും, ജര്‍മനിയിലെ ഏറ്റവും വലിയ വിമാനക്കമ്പനിയായ ലുഫ്ത്താന്‍സയിലെ ജീവനക്കാരും, വെര്‍ഡിയിലെ അംഗങ്ങളായ സുരക്ഷാ ജീവനക്കാരും പണിമുടക്കില്‍ പങ്കെടുത്തു.

പൊതു ഗതാഗതം ഏറെക്കുറെ തടസപ്പെട്ടതിനു പുറമെ റെയില്‍, ബസ് ഗതാഗതവും തടസപ്പെട്ടു. മാനേജ്മെന്റുകള്‍ യൂണിയനുമായി ഏപ്രില്‍ 15 നും 16 നും ചര്‍ച്ചകള്‍ നടത്തുമെന്നറിയിച്ചെങ്കിലും യൂണിയന്‍ ഇന്ന് പണിമുടക്ക് പ്രഖ്യാപിയ്ക്കുകയായിരുന്നു. തൊഴിലുടമകള്‍ ഇനിയും ഒരു ഓഫറുമായും മുന്നോട്ടുവന്നിട്ടില്ല. പണിമുടക്കില്‍ നിന്നും പിന്മാറാന്‍ വ്യാവസായിക, നിര്‍മ്മാണ പ്രവര്‍ത്തന തൊഴിലാളികളുടെ മേല്‍ മാനേജ്മെന്റ് സമ്മര്‍ദം ചെലുത്തുന്നതായി "വെര്‍ഡി ബോസ് ഫ്രാങ്ക് ബസിസ്കി ഒരു പ്രസ്താവനയില്‍ അറിയിച്ചു.

കഴിഞ്ഞ ദിവസങ്ങളില്‍ എയര്‍ഫ്രാന്‍സ് ജീവനക്കാരുടെ സമരം യൂറോപ്പിലെ വ്യോമഗതാഗതം താറുമാറാക്കിയതിന്റെ പിന്നാലെയാണ് ലുഫ്ത്താന്‍സയുടെ പുതിയ പണിമുടക്ക് വീണ്ടും യാത്രക്കാര്‍ക്ക് തലവേദന സൃഷ്ടിക്കുന്നത്.

- dated 09 Apr 2018

Comments:

Keywords: Germany - Otta Nottathil - 10420181 Germany - Otta Nottathil - 10420181,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles:

ജര്‍മനിയുടെ മുന്‍ പ്രസിഡന്റിന്റെ മകനെ കൊന്ന കേസില്‍ പ്രതിക്ക് 12 വര്‍ഷം തടവ് Recent or Hot News

തുടര്‍ന്നു വായിക്കുക

വലതുപക്ഷ തീവ്രവാദികളുടെ എണ്ണം പെരുകുന്നു Recent or Hot News

തുടര്‍ന്നു വായിക്കുക

ജര്‍മന്‍ സ്ഥാപനങ്ങളില്‍ പകുതിയും വീട്ടിലിരുന്ന ജോലി ചെയ്യാന്‍ അനുവദിക്കുന്നു Recent or Hot News

തുടര്‍ന്നു വായിക്കുക

ജര്‍മനി വിസ പുതുക്കല്‍ നടപടി തുടങ്ങി; കൊച്ചിയിലും സൗകര്യം Recent or Hot News

തുടര്‍ന്നു വായിക്കുക

ജര്‍മനിയില്‍ ലിംഗ സമത്വം ഉറപ്പാക്കാന്‍ സര്‍ക്കാര്‍ പദ്ധതി Recent or Hot News

തുടര്‍ന്നു വായിക്കുക

പാസ്പോര്‍ട്ടിന്റെ മൂല്യത്തില്‍ ജര്‍മനിക്ക് മൂന്നാം സ്ഥാനം
തുടര്‍ന്നു വായിക്കുക

വൈറസ് വ്യാപനത്തിനു ശേഷം ആദ്യത്തെ വിദേശയാത്രയില്‍ മെര്‍ക്കല്‍
യൂറോപ്യന്‍ യൂണിയന്‍ കൗണ്‍സില്‍ അധ്യക്ഷ സ്ഥാനത്തെ പ്രവര്‍ത്തന പദ്ധതി പ്രഖ്യാപിച്ചു തുടര്‍ന്നു വായിക്കുക

List all titles