India - Otta Nottathil - 185201910modi

Advertisements

ചോദ്യങ്ങള്‍ക്ക് ഉത്തരം പറയാതെ നരേന്ദ്ര മോദിയുടെ ആദ്യ വാര്‍ത്താസമ്മേളനം

Photo #1 - India - Otta Nottathil - 185201910modi

ന്യൂഡല്‍ഹി: ഇന്ത്യന്‍ പ്രധാനമന്ത്രിയായ ശേഷം നരേന്ദ്ര മോദി ആദ്യമായൊരു വാര്‍ത്താ സമ്മേളനത്തില്‍ ഇരുന്നു. പ്രധാനമന്ത്രി മാധ്യമങ്ങള്‍ക്കു മുന്നില്‍ വരുന്നില്ലെന്ന പരാതിക്ക് ഇതോടെ പരിഹാരമായെങ്കിലും കൂടുതല്‍ വലിയ ട്രോളുകള്‍ക്കാണ് പ്രധാനമന്ത്രി ഇതോടെ പാത്രമാകുന്നത്.

യഥാര്‍ഥത്തില്‍ ബിജെപി ദേശീയ അധ്യക്ഷന്‍ അമിത് ഷാ പാര്‍ട്ടി ആസ്ഥാനത്ത് വിളിച്ച വാര്‍ത്താസമ്മേളനത്തിലേക്ക് പ്രധാനമന്ത്രി അപ്രതീക്ഷിതമായി കടന്നു വരുകയായിരുന്നു. മുന്നൂറിലേറെ സീറ്റ് നേടി പാര്‍ട്ടി അധികാരം നിലനിര്‍ത്തുമെന്ന പ്രഖ്യാപനത്തിലൊതുങ്ങി പ്രധാനമന്ത്രിയുടെ സംഭാഷണം.

നാഥുറാം ഗോഡ്സെ രാജ്യസ്നേഹിയാണെന്ന ബിജെപി നേതാവ് പ്രജ്ഞ സിങ് ഠാക്കൂറിന്റെ പ്രസ്താവന അടക്കമുള്ള വിഷയങ്ങളില്‍ മാധ്യമ പ്രവര്‍ത്തകരുടെ ചോദ്യം ഉയര്‍ന്നെങ്കിലും എല്ലാത്തിനും അമിത് ഷാ മറുപടി പറയുമെന്നു പറഞ്ഞ് പ്രധാനമന്ത്രി മൗനം പാലിക്കുകയായിരുന്നു.

കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി അടക്കമുള്ളവര്‍ പ്രധാനമന്ത്രിയുടെ രീതിയെ പരിസഹിച്ച് രംഗത്തെത്തി. തുടക്കം കിട്ടിയതു നന്നായി, അടുത്ത പത്ര സമ്മേളനത്തില്‍ ഒന്നു രണ്ടു ചോദ്യങ്ങള്‍ക്കു മറുപടി പറയാന്‍ നരേന്ദ്ര മോദിയെ അമിത് ഷാ അനുവദിക്കുമെന്നാണ് പ്രതീക്ഷിക്കുന്നതെന്ന് രാഹുല്‍ ട്വിറ്ററില്‍ കുറിച്ചു.

തെരഞ്ഞെടുപ്പ് കാലത്ത് തെരഞ്ഞെടുക്കപ്പെട്ട ആളുകള്‍ക്ക് അഭിമുഖം നല്‍കിയ മോദിക്ക് ഒന്നലധികം തവണ അമളി പറ്റിയിരുന്നു. മേഘമുള്ള സമയത്ത് പാക്കിസ്ഥാനിലേക്ക് വിമാനം അയച്ചാല്‍ റഡാറില്‍ കാണില്ലെന്ന പരാമര്‍ശമായിരുന്നു ഒന്ന്. 1987~88 കാലഘട്ടത്തില്‍ ഡിജിറ്റല്‍ ക്യാമറ ഉപയോഗിച്ച് ഫോട്ടോ എടുത്ത് ഇമെയിലായി അയച്ചെന്നതായിരുന്നു മറ്റൊരു മണ്ടത്തരം.

- dated 18 May 2019

Comments:

Keywords: India - Otta Nottathil - 185201910modi India - Otta Nottathil - 185201910modi,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: