Other Countries - Otta Nottathil

Advertisements

തായ് കിരീടാവകാശി അംഗരക്ഷകയെ വിവാഹം കഴിച്ചു

Photo #1 - Other Countries - Otta Nottathil - 4520198thai

ബാങ്കോക്ക്: തായ്ലന്‍ഡില്‍ കിരീടാവകാശിയായ മഹാ വജിരലോങ്കോണ്‍, രാജാവിന്റെ പ്രത്യേക സുരക്ഷാസേനയുടെ ഉപമേധാവി സുതിദ ടിദ്ജെയെ വിവാഹം കഴിച്ചു. ഔദ്യോഗിക സ്ഥാനാരോഹണത്തിന് ദിവസങ്ങള്‍ ശേഷിക്കേയാണ് കൊട്ടാരം വൃത്തങ്ങളുടെ വെളിപ്പെടുത്തല്‍. രാജ്യത്തെ പ്രധാന ടെലിവിഷന്‍ ചാനലുകളെല്ലാം വിവാഹത്തിന്റെ ദൃശ്യങ്ങളും സംപ്രേഷണം ചെയ്തു.

"കിരീടാവകാശി മഹാ വജിരലോങ്കോണ്‍ ജനറല്‍ സുതിദ വജിരലോങ്കോണ്‍ ന അയുധ്യയെ ജീവിതപങ്കാളിയാക്കിയിരിക്കുന്നു. അവര്‍ ഇനി സുതിദ രാജകുമാരിയായി അറിയപ്പെടും' ~കൊട്ടാരം പ്രസ്താവനയും ഇറക്കി. വിവാഹച്ചടങ്ങില്‍ രാജകുടുംബത്തിലെ അംഗങ്ങളും രാജ്യത്തെ പ്രമുഖരും പങ്കെടുത്തു.

മഹാ വജിരലോങ്കോണ്‍ നേരത്തേ മൂന്നുതവണ വിവാഹിതനായിട്ടുണ്ട്. മൂന്നുബന്ധങ്ങളും പിരിഞ്ഞു. ഇതില്‍ ഏഴു മക്കളുണ്ട്. 2016 ഒക്ടോബറില്‍ പിതാവും രാജാവുമായിരുന്ന ഭൂമിബോല്‍ അദുല്യദേജ് മരിച്ചപ്പോഴാണ് 66~കാരനായ മഹാ വജിരലോങ്കോണ്‍ ഭരണാധികാരിയാവുന്നത്. ശനിയാഴ്ച അദ്ദേഹത്തിന്റെ ഔദ്യോഗിക സ്ഥാനാരോഹണം നടക്കാനിരിക്കുകയായിരുന്നു.

എയര്‍ഹോസ്ററസ് ആയിരുന്ന സുതിദ 2014~ലാണ് സുരക്ഷാസേനയിലെത്തുന്നത്. 2016~ല്‍ മഹാ വജിരലോങ്കോണ്‍ അവരെ തന്റെ പ്രത്യേക സുരക്ഷാസേനയുടെ ഉപമേധാവിയാക്കി. വിദേശമാധ്യമങ്ങളും കൊട്ടാരത്തോടടുത്ത വൃത്തങ്ങളും ഇരുവരുടെയും ബന്ധത്തെക്കുറിച്ച് നേരത്തേതന്നെ അഭ്യൂഹങ്ങള്‍ പുറത്തുവിട്ടിരുന്നെങ്കിലും രാജകുടുംബം പ്രതികരിച്ചിരുന്നില്ല.

- dated 04 May 2019

Comments:

Keywords: Other Countries - Otta Nottathil - 4520198thai Other Countries - Otta Nottathil - 4520198thai,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: