America - Otta Nottathil - 7220198trumpkim

Advertisements

കിമ്മും ട്രംപും തമ്മിലുള്ള അടുത്ത ഉച്ചകോടി വിയറ്റ്നാമില്‍

Photo #1 - America - Otta Nottathil - 7220198trumpkim

വാഷിങ്ടണ്‍: യു.എസ് പ്രസിഡന്‍റ് ഡോണള്‍ഡ് ട്രംപും ഉത്തരകൊറിയന്‍ ഭരണാധികാരി കിം ജോങ് ഉന്നും തമ്മിലുള്ള അടുത്ത ഉച്ചകോടിക്ക് വിയറ്റ്നാം വേദിയാകും. ഫെബ്രുവരി 27, 28 തീയതികളിലാണ് ഉച്ചകോടി നടത്താന്‍ നിശ്ചയിച്ചിരിക്കുന്നതെന്ന് ട്രംപ് അറിയിച്ചു.

ഉത്തര കൊറിയയുമായി ശാശ്വതസമാധാനത്തിന് ഇനിയുമേറെ മുന്നോട്ടുപോകാനുണ്ടെന്നും എന്നാല്‍, കഴിഞ്ഞ 15 മാസത്തിനിടെ ഒരിക്കല്‍പോലും പുതിയ മിസൈല്‍ പരീക്ഷിക്കാത്തത് പ്രതീക്ഷ നല്‍കുന്നുണ്ടെന്നും ട്രംപ്.

കമ്യൂണിസ്റ്റ് ഭരണം നിലനില്‍ക്കുന്ന വിയറ്റ്നാമിന് യു.എസുമായും ഉത്തര കൊറിയയുമായും മികച്ച ബന്ധമാണുള്ളത്. ഇതാണ് വിയറ്റ്നാം തെരഞ്ഞെടുക്കാന്‍ പ്രധാന കാരണമായത്. പക്ഷേ, രാജ്യത്ത് എവിടെയാകും ഉച്ചകോടിയെന്ന് ഔദ്യോഗിക സ്ഥിരീകരണമായിട്ടില്ല. വിയറ്റ്നാം തലസ്ഥാനനഗരമായ ഹാനോയ്, ഡനാങ് പട്ടണങ്ങളില്‍ ഒന്നാകാം വേദിയെന്നാണ് സൂചന. യു.എസ് വ്യോമസേനയുടെ നാലു വിമാനങ്ങള്‍ ഡനാങ് ദ്വീപില്‍ കഴിഞ്ഞ ദിവസം സന്ദര്‍ശനം നടത്തിയിരുന്നു.

അമേരിക്ക ലക്ഷ്യമിടാവുന്ന ആണവമിസൈല്‍ പരീക്ഷിച്ച് പ്രകോപനം സൃഷ്ടിച്ചതിനു പിറകെ 2017ല്‍ ഉത്തരകൊറിയയുമായി യുദ്ധസമാന സാഹചര്യം നിലവില്‍വന്നിരുന്നു. തുടര്‍ന്ന് നടന്ന മാരത്തണ്‍ ചര്‍ച്ചകള്‍ക്കൊടുവില്‍ കഴിഞ്ഞവര്‍ഷം ജൂണ്‍ 12ന് സിംഗപ്പൂരിലാണ് ഇരു രാഷ്ട്രത്തലവന്മാരുടെയും ആദ്യ ഉച്ചകോടി നടന്നത്. മേഖലയുടെ സമാധാനം തകര്‍ത്ത 50കളിലെ കൊറിയന്‍ യുദ്ധത്തിനുശേഷം ആദ്യമായിട്ടായിരുന്നു ഇരു രാജ്യങ്ങളുടെയും തലവന്മാര്‍ തമ്മിലെ സംഭാഷണം.

ചര്‍ച്ചയുടെ വിശദാംശങ്ങള്‍ക്ക് രൂപംനല്‍കാന്‍ യു.എസ് പ്രത്യേകപ്രതിനിധി സ്റ്റീഫന്‍ ബീഗണ്‍ അടുത്തദിവസം ഉത്തരകൊറിയയിലെത്തും. രാജ്യത്തെ യോങ്ബ്യോണ്‍ ആണവ സമുച്ചയം തകര്‍ക്കുന്നതാകും പ്രധാന അജണ്ടയെന്നാണ് സൂചന.

- dated 06 Feb 2019

Comments:

Keywords: America - Otta Nottathil - 7220198trumpkim America - Otta Nottathil - 7220198trumpkim,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: