Advertisements
|
തിരുവിതാംകൂര്‍ സഹോദരിമാര്‍
അഫ്സല്‍
ലളിത പത്മിനി രാഗിണി,എന്ന പേരുകളില്‍ അറിയപ്പെട്ടിരുന്ന മൂന്ന് അഭിനയ പ്രതിഭകളായ സഹോദരിമാര്‍ അറിയപ്പെട്ടിരുന്നത് തിരുവിതാംകൂര്‍ സഹോദരിമാര്‍ േ(ravancore sisters) എന്നായിരുന്നു.
തിരുവനന്തപുരത്തു പൂജപ്പുരയില്‍ തങ്കപ്പന്‍ പിള്ളയുടെയും സരസ്വതിയമ്മയുടെയും മക്കളായി ജനനം.ചെറു പ്രായത്തിലേ മൂന്നു സഹോദരിമാരും പ്രശസ്തനായ ഗുരു ഗോപിനാഥിന്റെ ശിഷ്യണത്തില്‍ കഥകളിയും, നൃത്തവും അഭ്യസിച്ചു തുടങ്ങി.
നൃത്തത്തിലും അഭിനയത്തിലും മികവു പുലര്‍ത്തിയിരുന്ന ഇവര്‍ ഇന്ത്യയിലും ലോകമെമ്പാടും നൃത്തപ്രകടനങ്ങള്‍ കാഴ്ച വച്ച് ജനങ്ങളുടെ ഹൃദയം കവര്‍ന്നു.മൂന്നു സഹോദരിമാരും പില്‍ക്കാലത്ത് സിനിമയില്‍ അഭിനയിച്ചു.മലയാളം, തമിഴ്, ഹിന്ദി, തെലുഗു സിനിമകളില്‍ ആധിപത്യം പുലര്‍ത്തിയിരുന്നു.
ലളിതപത്മിനിരാഗിണിമാരെ കൂടാതെ ഇവരുടെ കുടുംബത്തില്‍ മറ്റു പലരും സിനിമാലോകത്ത് പ്രശസ്തരാണ്.
അറുപതുകളിലെ പ്രശസ്ത നടി അംബിക ലളിത പത്മിനി രാഗിണിമാരുടെ മാതൃ സഹോദരിയുടെ പുത്രിയാണ്.പ്രശസ്ത നടി സുകുമാരി ഇവരുടെ അമ്മാവന്റെ മകളാണ്.പ്രശസ്ത നടി ശോഭന ഇവരുടെ സഹോദരപുത്രിയാണ്. ലളിതയുടെ കൊച്ചുമകന്‍ കൃഷ്ണയും അഭിനേതാവാണ്.
നല്ലൊരു നര്‍ത്തകനും കൂടിയായ നടന്‍ വിനീത് പദ്മിനിയുടെ ഭര്‍ത്താവിന്റെ സഹോദരപുത്രനാണ്.
ലളിത (1930/1982)
തിരുവിതാംകൂര്‍ സഹോദരിമാര്‍ എന്നറിയപ്പെട്ടിരുന്ന ലളിത, പത്മിനി, രാഗിണിമാരില്‍ മൂത്തവളായിരുന്നു ലളിത.തമിഴ് ചിത്രമായ ആദിത്യന്‍ കനവില്‍ അഭിനയിച്ചുകൊണ്ട് അഭിനയ ജീവിതത്തിനു തുടക്കം കുറിച്ചു.തുടര്‍ന്ന് ഹിന്ദി, മലയാളം, തമിഴ്, തെലുങ്ക് എന്നീ ഭാഷാചിത്രങ്ങളില്‍ അഭിനയിച്ചു. ലളിത, അവരുടെ സഹോദരിമാരെക്കാള്‍ വളരെ മുമ്പേതന്നെ സിനിമാരംഗത്തേക്കു വരികയും മലയാളം ചലച്ചിത്രങ്ങളില്‍ ശ്രദ്ധകേന്ദ്രീകരിക്കുകയും ചെയ്തു. അതു നല്ല പേരെടുക്കാന്‍ അവരെ സഹായിച്ചു.1982ല്‍ ലളിത മരണപ്പെട്ടു.
പത്മിനി (1932/2006)
തിരുവിതാംകൂര്‍ സഹോദരിമാര്‍ എന്നറിയപ്പെട്ടിരുന്ന ലളിത, പത്മിനി, രാഗിണിമാരില്‍ ഒരാളായിരുന്നു പദ്മിനി. മലയാള ചലച്ചിത്രരംഗത്തെ ഒരു കാലഘട്ടത്തിലെ സജീവ സാന്നിദ്ധ്യമായിരുന്നു. 40 വര്‍ഷം പത്മിനി സിനിമാരംഗത്തുണ്ടായിരുന്നു. മലയാളം, തമിഴ്, തെലുങ്ക്, കന്നട എന്നീ ഭാഷകളിലായി 250ലധികം ചിത്രങ്ങളില്‍ അഭിനയിച്ചിട്ടുണ്ട്. മേരാ നാം ജോക്കര്‍ തുടങ്ങിയ ഏതാനും ഹിന്ദി ചിത്രങ്ങളിലും അഭിനയിച്ചിട്ടുണ്ട്.
ഇടക്കാലത്ത് അമേരിക്കയിലായിരുന്ന പത്മിനി 1984 ല്‍ വീണ്ടും ചലച്ചിത്രരംഗത്ത് മടങ്ങിയെത്തി. നോക്കെത്താദൂരത്ത് കണ്ണുംനട്ട് തുടങ്ങിയ സിനിമകളില്‍ ശ്രദ്ധേയമായ വേഷങ്ങള്‍ ചെയ്തു. ഭര്‍ത്താവ് അന്തരിച്ച ഡോക്ടര്‍ രാമചന്ദ്രന്‍. മകന്‍ ഡോ. പ്രേം ചന്ദ്രന്‍. ജെ. ശശികുമാര്‍ സംവിധാനം ചെയ്ത ഡോളര്‍ എന്ന ചിത്രത്തിലാണ് അവസാനമായി അഭിനയിച്ചത്.
2006 ല്‍ ചെനൈ്നയില്‍ മുഖ്യമന്ത്രി കരുണാനിധിയെ ആദരിക്കാനുള്ള ഒരു ചടങ്ങില്‍ പങ്കെടുക്കാനെത്തിയ പദ്മിനി പെട്ടന്നുണ്ടായ ഹൃദയാഘാതത്തെ തുടര്‍ന്ന് കുഴഞ്ഞു വീണു മരിക്കുകായിരുന്നു.
രാഗിണി ((1937/1976)
തെക്കേ ഇന്ത്യയിലെ ഒരു മികച്ച നര്‍ത്തകിയും ചലച്ചിത്ര നടിയുമായിരുന്നു രാഗിണി. തിരുവിതാംകൂര്‍ സഹോദരിമാര്‍ എന്നു പേരുകേട്ട ലളിത,പത്മിനി, രാഗിണിമാരില്‍ ഇളയവളായിരുന്നു രാഗിണി.
സഹോദരി പത്മിനിയോടുകൂടി രാഗിണിയുടെ സിനിമാ ജീവിതം 1950 കളുടെ മധ്യത്തോടുകൂടി ആരംഭിക്കുകയും ഹിന്ദി, മലയാളം, തമിഴ്, തെലുഗു എന്നീ വിവിധ ഇന്ത്യന്‍ ഭാഷാ ചിത്രങ്ങളില്‍ അഭിനയിക്കുകയും ചെയ്തു. മറ്റു ദക്ഷിണേന്ത്യന്‍ നടികളെ പോലെ രാഗിണിയുടെ സിനിമാ ജീവിതവും ഹിന്ദിസിനിമയിലെ നൃത്തരംഗങ്ങളില്‍ അഭിനയിച്ചുകൊണ്ട് ആരംഭിച്ചു.1976 ല്‍ കാന്‍സര്‍ രോഗബാധിതയായി രാഗിണി മരണപ്പെട്ടു. |
|
- dated 08 Nov 2015
|
|
|
|
Comments:
Keywords: India - Cinema - sister_ragini India - Cinema - sister_ragini,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
