Germany - Otta Nottathil - nursing_ausbildung_norka_tripple_win

Advertisements

ജര്‍മനിയില്‍ നഴ്സിംഗ് പഠനം നോര്‍ക്ക ട്രിപ്പിള്‍വിന്‍ ട്രെയിനി പ്രോഗ്രാം ആദ്യബാച്ചിന് കോണ്‍ട്രാക്ട് കൈമാറി

സ്വന്തം ലേഖകന്‍

Photo #1 - Germany - Otta Nottathil - nursing_ausbildung_norka_tripple_win_germany

തിരുവനന്തപുരം: നോര്‍ക്ക ട്രിപ്പിള്‍വിന്‍ ട്രെയിനി പ്രോഗ്രാമിലെ ആദ്യബാച്ചിന് കോണ്‍ട്രാക്ട് കൈമാറി.നോര്‍ക്ക റൂട്ട്സ് ട്രിപ്പിള്‍ വിന്‍ ട്രെയിനി പ്രോഗ്രാമിന്റെ (Ausbildung) ആദ്യബാച്ചിലേയ്ക്ക് തിരഞ്ഞെടുക്കപ്പെട്ട വിദ്യാര്‍ത്ഥികള്‍ക്കുളള തൊഴില്‍ കരാറുകള്‍ നോര്‍ക്ക റൂട്ട്സ് ചീഫ് എക്സിക്യൂട്ടീവ് ഓഫീസര്‍ അജിത് കോളശ്ശേരി കൈമാറി. ആദ്യബാച്ചിലെ രേവതി കൃഷ്ണ, എലിസബത്ത് തോമസ്, ബെനിറ്റ പൗലോസ്, റോസ് മരിയ എന്നിവര്‍ക്കാണ് കോണ്‍ട്രാക്റ്റ് കൈമാറിയത്.

കഴിഞ്ഞ ഏപ്രില്‍ 15 മുതല്‍ 18 വരെ നടന്ന അഭിമുഖങ്ങളില്‍ നിന്നും തിരഞ്ഞെടുക്കപ്പെട്ട 42 പേരില്‍ എട്ട് പേരാണ് ആദ്യ ബാച്ചില്‍ ജര്‍മ്മനിയിലേയ്ക്ക് തിരിക്കുന്നത്. ഇവരുടെ ക്ളാസുകള്‍ സെപ്റ്റംബര്‍, ഒക്ടോബര്‍ മാസത്തില്‍ ആരംഭിക്കും. ഇവരില്‍ നാലുപേര്‍ക്ക് ജൂലൈ ഒന്നിന് കൊച്ചിയില്‍ വച്ച് വര്‍ക്ക് കോണ്‍ട്രാക്ട് കൈമാറിയിരുന്നു. തിരഞ്ഞെടുക്കപ്പെട്ടവരില്‍ 34 വിദ്യാര്‍ത്ഥികളുടെ ജര്‍മ്മന്‍ ഭാഷാ പഠനം (B1,B2) തിരുവനന്തപുരം ഗോയ്ഥേ സെന്ററില്‍ പുരോഗമിക്കുകയാണ്.

തൈയ്ക്കാട് നോര്‍ക്ക സെന്ററില്‍ നടന്ന ചടങ്ങില്‍ നോര്‍ക്ക റൂട്ട്സ് റിക്രൂട്ട്മെന്റ് മാനേജര്‍ പ്രകാശ് പി ജോസഫ്. ഹോം ഒതന്റിക്കേഷന്‍ ഓഫീസര്‍ സുഷമാഭായി, റിക്രൂട്ട്മെന്റ് വിഭാഗം പ്രതിനിധികള്‍, ജര്‍മ്മന്‍ ഏജന്‍സി ഫോര്‍ ഇന്‍റര്‍നാഷണല്‍ കോ~ഓപ്പറേഷന്‍ (GIZ) പ്രതിനിധികളായ ശില്‍പ.സി, അനുഷ പി.പി, വിദ്യാര്‍ത്ഥികളുടെ രക്ഷിതാക്കള്‍ എന്നിവരും സംബന്ധിച്ചു.

പ്ളസ്ടു വിനുശേഷം ജര്‍മ്മനിയില്‍ പ്രതിമാസ സ്റൈ്റപ്പന്റോടെ സൗജന്യ നഴ്സിങ് പഠനത്തിനും തുടര്‍ന്ന് രജിസ്ട്രേഡ് നഴ്സായി നിയമനവും ലഭിക്കുന്നതിനും അവസരമൊരുക്കുന്നതാണ് പദ്ധതി. ജര്‍മ്മനിയില്‍ രജിസ്ട്രേഡ് നഴ്സ് ആയി പ്രാക്ടീസ് ചെയ്യുന്നതിനുളള വൊക്കേഷണല്‍ നഴ്സിങ് ട്രെയിനിങ്ങാണ് പദ്ധതി വഴി ലഭിക്കുന്നത്. നോര്‍ക്ക റൂട്ട്സും ജര്‍മ്മന്‍ ഫെഡറല്‍ എംപ്ളോയ്മെന്‍റ് ഏജന്‍സിയും ജര്‍മ്മന്‍ ഏജന്‍സി ഫോര്‍ ഇന്‍റര്‍നാഷണല്‍ കോ~ഓപ്പറേഷനും സംയുക്തമായാണ് ട്രിപ്പിള്‍ വിന്‍ ട്രെയിനി പ്രോഗ്രാം സംഘടിപ്പിക്കുന്നത്.

കൂടുതല്‍ വിവരങ്ങള്‍ക്ക്

www.norkaroots.org, www.nifl.norkaroots.org എന്നീ വെബ്ബ്സൈറ്റുകള്‍ സന്ദര്‍ശിക്കുക. അല്ലെങ്കില്‍ 24 മണിക്കൂറും പ്രവര്‍ത്തിക്കുന്ന നോര്‍ക്ക ഗ്ളോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറുകളായ 1800 425 3939 (ഇന്ത്യയില്‍ നിന്നും) +91~8802 012 345 (വിദേശത്തുനിന്നും, മിസ്സ്ഡ് കോള്‍ സര്‍വ്വീസ്) ബന്ധപ്പെടുക.

- dated 15 Jul 2024

Comments:

Keywords: Germany - Otta Nottathil - nursing_ausbildung_norka_tripple_win_germany Germany - Otta Nottathil - nursing_ausbildung_norka_tripple_win_germany,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: